By: Victor Zika

Kumthar thutlukna (New Year Resolution) vawng reng tur chuan thil tam tak a ngai lo a, chutiang bawkin hlawhchham tur pawhin thil tam a ngai bawk hek lo. American-te hian he New Year resolution hi kum tluana vawng reng turin an bei nasa hle thin a. Kum 2020-a poll pakhatah chuan American mi 68% chuan February 1 hma hian an thutlukna siamte chu an bânsan tawh niin an sawi. Nang engnge i dinhmun ni ang le?

Mi tam zawk chuan an thutlukna an zawm loh chhan an hre chiang hle. A chhan lian ber ni a lang chu “tih dan tur ruahmanna fel tak neih loh vang” (52%) leh “Kan hna schedules busy vang” (43%) te hi ni berin a lang.

Chuti a nih chuan, engtin nge kan New Year Rosolution tha tak takte chu thla khat hnua theihnghilh mai lova, kum tluan a kan vawn tlat theih ang? A hnuaia mite hian a tanpui theih ngei che ka beisei.

1. Langsar takin post rawh.

Nitina i thil hmuh reng thin chu, theihnghilh a harin ngaihthah a thei mai thin lo a ni, tih chu i pawm ka ring. Chuvangin, i thil tum chu i hmuh awlsam theihna tur berah post la, chu chu i tan awlsam taka hriatnawn tirtu hmaraw tangkai tak a ni dawn a ni. Langsar taka post tihah hian Online social media ka sawina erawh a ni lo.

Awlsam taka kan hmuh theihna turte chu, notecard-ah, darthlalang (eg. ka la thalai hle mai, hna tam tak ka la thawk thei ang), Restroom (eg. phone tel lova inthiar ka zir), faucet, light switch, steering wheel (traffic-ah thinrim suh”), TV remote, computer, refrigerator (snacks/soda tlem zawk) bulah post rawh.

I hmuh fiah theihna hmun apiangah emaw. Poster mawi tak la la, i hallway-ah, restroom-ah emaw, common area-ah emaw dah la, chutiang chuan i thil tum chu hla zawk aṭangin i chhiar thei ang. He strategy hian a bik takin Pathian Lehkha Thu hriat reng emaw, ngaihtuah emaw ang chi thiltumte tan a thawk tha hle a, chutah chuan thiltum hriat reng mai hian a tihhlawhtlinna kawngah kawng thui tak a zawh a ni. Pathianin Israel mipuite chu hetiang hian a thupekte hre reng turin a kaihruai a, “Tin, chhinchhiahna atân in bânah in zem ang a, in mit leh mit inkâra chal hrênna atân a awm bawk tûr a ni. Tin, in in kawngka biangah te, in kawngkhârah te in ziak tûr a ni” (Deuteronomy 6:8-9). Kut sil emaw, ha sil emaw lai pawhin second 15 chhunga chhiar theih chang ropui tak tak a tam hle.

2. Thian tha tanpui dil rawh:

Tum nei ranin thil i ti dawn tih i thian thate i hrilh chuan a hlawhtlinna kawnga mi tangkai tak an ni mai thei a sin. Chuvang chuan resolution siamtu zinga 41% chuan midangte hnenah an thil tum an hrilh thin. I ṭhian rinawmte nawrna ṭha tak chuan i thutlukna hlen tur kawngah a tichak ang che a, ṭhian rinawmte chuan chu chu vawng tlat tûrin an fuih tak zet thei che a ni. Hei hian i hnungtawlh changing emaw, vawng reng tura i beidawng changing emaw a tanpui chein i tan thil hlu tak thlentu a ni ngei ang.

I ṭhian pakhat emaw pahnih emaw chu i resolution tumte hrilh la, i hlen chhuah theihnan tanpui tur chein sawm rawh. A tir lamah chuan a nuam lo thei hle a, mahse ṭhian tak takte chuan i tâna ṭha ber chu an ti duh ang. Hei hi tualchhûng kohhran dinhmun, member pakhat leh pakhat Kristaa ṭhanlenna neih tûr kawnga inṭanpui tawna ah a ṭangkai hle dawn a ni.

Hei hi Bible thupek tam tak tihhlawhtlinna kawng a ni thei bawk a, chu chu “nitin infuih tawn rawh u” (Hebrai 3:13) emaw, “hmangaihna leh thil tha ti tura infuih tawn dan tur i ngaihtuah ang u” (Hebrai 10:24) te hi a ni). Hetiang pawn lam thila infuih tharna hi mahni inthununna leh mimal thianghlimna kawng kan zawhnaah nasa takin mi a pui thei a ni.

3. Midangte nena thawho thiam

Midangte nena thawhho thiamna hi, kan thiltum tih hlawhtlinna a tana thil tangkai leh kawng tiawlsam tuber a ni. Midante nena thawhhona kawngah hian felfai taka thiltih a pawimawh em em a, kan inhmuh hun tur kan theihnghilh a, kan pelh lohnan calendar a fel taka kan ziah thlap hi thil tangkai tur leh tha tur chu a ni. Kan hringnunah hian tum lo leh beisei lo tak takin thil a rawn thleng fo thin a, kan hringnunin a tum zawk tur chu engkim dik leh fel famkim thlapa tih aiin rinawmna nena tih hian hlawhtlinna min thlen zawk thin a ni. Midangte nena inhmu tura thutlukna i siam hmain, hun i nei tak tak em? i schedule a tawt lutuk em? tuna kan inhmuh tum chhan hi a pawimawh tak tak em? tih ngaihtuah hmasa phawt rawh. Tih theih loh tur thutiamna neih hnua cancel (phat leh) aichuan, tiam loh a tha zawk a ni.

Midangte nena thawhho thiamna hi hlawhtlinna kawnga thil pawimawh em em a ni a, “ lei chungah hian in zînga mi pahnihin inrema eng thu-ah pawh an ṭawngṭai chuan, ka Pa vâna miin a tihsak ang.” (Matt 18:19)

Originally published at The Washington Stand.  a remchan dan anga lehlin a ni.