USA hi khawvel ram zawng zawng zinga roreltu ber leh a fawng vuantu ber a ni, ti i la kan tisual awm love. Chu rorelna hmunpui berah hian Pathian nung ringtu mi engzah tak awm ang maw? Khawvela ram ropui ber leh Superpower nei chhunzawm zel tur chuan, a roreltute zingah lei leh vana leh a chhunga thil awm zawng zawng neia enkawltu Pathian nung ringtu an tam a pawimawh a ni.
USA rorelna khawlah hian mi engzah nge awm a, chumi zingah Pathian nung ringtu mi engzah nge awm tih hian ka ngaihtuahna a rawn luah a, Internet leh Google lamah ka han lenglut nghal a. Hmuh tur leh chhiar tur hi a lo tam khawp a, chumi zinga rin tlak bera ka ngaih “Pew Research” in January 3, 2023 a a tarchhuah ka hmu hlauh mai a, an rawn tarchhuah dan angin ka rawn tarchhuak ve mai a ni.
Tun dinhmunah hian USA sorkar rorelna hmunpui Congress members ah Senate members mi 100 leh House of Representatives members mi 435, an vaiin 535 an awm a ni. A hnuaia mi hi, “Pew Research” in a tarlan dan anga rawn ziah chhuah a ni.
- Congress members sakhaw hrang hrang leh mihring zat
- Christian 469 (87.8%)
- Jewish 33 (6.2%)
- Buddhist 2 (0.4%)
- Muslim 3 (0.6%)
- Unitarian Universalist 3 (0.6%)
- Humanist 1 (0.2%)
- Unaffiliated 1 (0.2%)
- Sawi duh lo/ Sakhaw nei lo 20 (3.7%)
- Christian atanga Kohhran hrang hrang leh mihring zat.
A chunga tarlan tawh angin Congress member 535 atangin Christian mi 469 (87.8%) an awm a, chu mi zing atangin eng Kohhrante nge an nih tih lo thlir ho leh i la.
- Catholic 148 (27.7%)
- Baptist 67 (12.5%)
- Methodist 31 (5.8%)
- Presbyterian 25 (4.7%)
- Lutheran 22 (4.1%)
- Non-denomination 15 (2.8%)
- Mormon 9 (1.7%)
- Orthodix Christian 8 (1.5%)
- Restorationist 4 (0.7%)
- Congregationalist 3 (0.6%)
- Pentecostal 2 (0.4%)
- Reformed 2 (0.4%)
- Adventist 2 (0.4%)
- Pietist 1 (0.2%)
- Unspecified/Other 107 (20%)
By: Victor Zika