Western (Sap) ho hian hla hi a thluk leh a kalhmang a zirin an threnhrang a, Folk, Blues, Opera songs, Country, Pop, Rock, Heavy Rock, Disco etc.. chumi zingah “CAROL” hi a tel ve a, hlimna lam hla, sak harsa lo, a thluk ki-kawi lo leh Christmas hun vela sak tura an phuah hla hi “Carol” hla an ti mai a ni.Kum zabi 14 vel khan Old French trong  “Carole” tih atrangin Carol hi a lo piangchhuak a, “Circle dance accompanied by singers (zai leh lam kual)” tih a ni ber ang chu!! French tronga “Carole” pawh hi Latin trong “Choraula” atranga lo kal zel an ti leh zel a…

Oxford Dictionary ah chuan “Carol” chu “A song of joy, especially a Christmas Hymn (Hlimna leh lawmna hla, a biktakin Christmas hla): tih a ni a, Verb anga hman chuan “to sing happily (Hlim taka zai)” tih a ni leh a.

Merriam Webster Online Dictionary ah chuan ” A song sung during Christmas time (Christmas a sak mi hla)” ti ina hrilhfiah a, “an old round dance with singing (hlim taka zai leh lam kual” a ti bawk. AD 1150 atranga 1350 thlengin “Carol” hi “Hlim taka zai leh lam” chi angin an lo hmanga, AD 1350 hnuah chuan hlimna ni ah kawngkal nei takin an hmanga “Processional song” angin KUT niah Carol hla te hi an sa thrin.

Kum zabi 15 lamah “Protestant Reformation” a lo intrana, Carol hla sak hi Roman Catholic tihdan ang bika ngaihna a lo awma, Carol hla te hi a han “chuai” deuh a. Hla phuah thiam William Byrd, George Ratcliffe Woodward, William Morris-a te ho in “Carol” thluk in Christmas hla an han phuah tran ta a, Carol thluka sak nuam tak leh hla hlim awm hmanga LAL THAR lo piang hmuahna an han phuah meuh chuan …kum zabi 18 hnu lam ah chuan Carol hla te chu a ron par vul leh ta a ni.

Christmas Carol emaw… Carol singing emaw in Chhandamtu lo piang tur hmuak in kan han zai chu a hlim awm a, sak a nuama, lam vut vut nan a remchang ve bawk em a ni!!! Khawvela Carol sa hmasa ber te chu kan Lal Isua lo pian laia beram pute hnena CAROL hla satu “Van Angel-te” kha an ni e.. an tih hi mawle!!

Kan Mizo hla phuah thiam tamtak Carol hla an phuah te hian keini Mizo te thinlungah Chhandamtu lo piang hlim takin min hmuah tir a nih ber hi!!

Khai le… “A mi-an riang maw”… “Kumpui sul a lo vei chang hian..” “Bethlehem Mual tlaitla engah” tia hlim taka CAROL hla sa in Chhandamtu, Emanuela piang hlim takin i hmuak ang…

“MERRY CHRISTMAS TO YOU ALL“