Zawhna:  An tih zat pawisa sen ka inhuam a, ka Background pawh a tha tawk bawk a, Tute nge ka sponsor theih?

Ans: Refugee dik tak nia an pawm tawh (a awlsam zawnga kan sawi chuan – UN Card nei), khawvel hmun hrang hranga khawsa mekte chauh.

Zawhna: Malaysia leh Indiaa khawsa mek Burma Refugee (UN Card nei mek), ka chhungte emaw ka mi duhthlan, ka sponsor thei ang em?

Ans. YES. Chhiar thla zel la.

Zawhna: US sorkar chuan 2023 chhungah hian Refugee engzat chiah nge lakluh a tum.

Ans: A tum ni lovin, 2023 chhung hian, he mi sponsor program hmang hian Refugee 5000 lak luh theih a beisei, Sponsor-tu an tam dan a zirin lak belh zel a tum. Tin, Refugee an lak dan thin pangngai hmang pawhin an la chhunzawm zel tho bawk ang.

Zawhna: “Greencard leh Citizen mi pa5 inkawpin Refugee pa 1 an sponsor thei ang” tih a ni a, Welcome Corps-ah chuan hman hmanhmawh taka hming inpeka hmalak thuai thuai a tul em?

Ans: WAITE!!!! Hmanhmawh lo la, i inchhir loh nan.

Zawhna: Hmanhmawh suh AAA!!?? Midangin min tih khalh vek dawn a sin.

Ans: Tuna Sponsor program hi “Thuang 2 (Phase 2)-a then a ni”.

• Ti hian… Thuang 1 na (Phase One)

(2023 kum chanve hma lam)-ah hian USA lo kal tura hma an lo lak pui tawh sa – Refugee tam tak, Covid-19, Pu Trumpma vang leh harsatna chi hrang hrang vanga rawn pem lut hlawhtling ta lo, an awm teuh a, chung ho zinga mite chauh chu “US State Department” in a thlang chhuak ang.

He Phase One-ah hian SPONSOR-tuten an SPONSOR tur an thlang thei lovang.

Chuvangin (hrethuk deuh tura ngaih thenkhat rin dan chuan) 2023 kum chanve hma lamah hi chuan Africa “Hmar” lama khawsa (Sub-Saharan) te an thlan chhuah deuh ber an ring.

• Thuang 2-na (2023 kum chanve hnulam)

He mi hunah hian SPONSOR tuten Refugee an duhthlan AN SPONSOR thei ang… tih a ni. Pawimawh… Thuang 2-na (Phase Two) tan US State Department-in hma a lak tum dan chu “Kan rawn tarlang thuai ang” tih a la ni chauh a nia.

Chuvangin, Malaysia leh India-a khawsa mek, UN Card nei, I chhung leh khat, laina leh thiantha te chauh sponsor i tum chuan “Tunah lo in-register thawt thawt lo la” “Phase Two hma an lak dan tur lo nghak rih deuh la” I tih fuh ka ring.

Tunah (Phase One period-ah) hming lo inpe-in, I lo in-ready viau chuan, US State Department-in I sponsor tur a thlan sak dawn si che a, I hmel ngainat loh zawng emaw, an sakhaw ngaihdan I mil vak lo emaw, te a thlan chhuahsak nawlh che ang a, an rawn thlen fel hunah phur vak lo chungin Appointment I kalpui zak zak thei a ni.

State Department “Thuchhuah” chuan … “Further details on the second phase of the program will be forthcoming” a ti si a.

Engpawhnise he mite bawk hian

“In the second phase of the program, which will launch in mid-2023, private sponsors will be able to identify refugees to refer to the USRAP for resettlement” an ti bawk a, I duhthlan ngei I sponsor theih nan kawng an rawn hawng ngei dawn a ni.

Zawhna: Hei aia chiang zawka hriat ka va duh em!!! Ka Sharp lehkha hriat a tam vak lo a, tute nge ka zawh fiah theih ang le??

Ans: Sorkar, Kohhran, NGO, Company, etc… te hnen atanga tanpuina dawng Burma NGO an awm nual a, an tanpui theih ngei che ka ring.

Entirnan USA a awmte tan, Chin Center, BACI, Hope for Tommorrow hian an tanpui theih ngei che ka ring.

Chiang zawka hre duh tan link

Launch of the Welcome Corps – Private Sponsorship of Refugees – United States Department of State