PATHIAN CHAUHIN AMERICA A REMTHA THEI (FRANKLIN GRAHAM)

WASHINGTON:- Frankly Graham a thu mai mai thei tawh lo. Tluchhe mek America ram hi Pathian chauhin a remtha lehthei, tiin USA state zawng zawng fang chhauaka auchhuahpui turin ke a pen tan ta.

Jeresalem kulh chhe tawh hnu dinthar tur leh Israel-te tana beiseina thar nei tura zawlnei Jeremiaha Pathian hmaa a tah angin, khawvela Evangelist ropui Frankly Graham (Billy Graham-a fapa) chuan 2016 chhung hian America ram State 50 fang chhuaka chanchin tha hril a tum a ni.

Sual chhiara tawngtai, Bible thu anga Pathian ringa nun hman leh 2016 a America President thlan tur atan Pathian ringtu politician thlang turin Billy Graham-a fapa Frankly Graham-a chuan America ram mipuite hnenah thu sawi turin a zin kual dawn a, he a zin kawng hi "Decision America Tour" tia hming pek a ni. Tuntum a zinna a a thusawi ropui tak tak thenkhat han tar chhuak i la,

* Frankly Graham-a chuan "America ram leh hnamin sumdawnna, eizawnna leh kawng tinrenga hmasawnna thar nei turin mi fing leh politician-ah beiseina leh rinna nghahna tur ka hmu lo. Engkim tithei Pathian ropui bera hnenah chauh beiseina leh rina nghahna a awm a ni"

* "Democratic Pary ah rinna leh beiseina ka nei lo.... Republican Party leh an politician ho hnenah rinna leh beiseina ka nei bawk hek lo. Kan ram leh hnam tana rinna nghahna tlak beiseina awmchhun chu Chungnungber Pathian chauh hi a ni", tiin January 14, 2016 khan a sawi.

* "America-in a hmachhawn mek buaina pawh hi, Pathian chauhin a chingfel thei ang" tia Baton Rouge khua, Louisiana State-a a sawi chu Baptist Message chuan a ziak chhuak bawk.

* "Jerusalem kulh a chhiat angin, America ropuina pawh a tlahniam zel a, kan ram leh hnam nunphung hlutna pawh a tlahniam tial tial a ni. Kan politician-te, kan mi fing lehkha thiam tak takte leh kan pastorte pawh hian Pathian thu anga nun hman leh ram kaihhruai lam aiin, politic lamah hian kan rilru kan hmang tam zawk a ni".

* "Vawiina kan ram leh hnamin a hmachhawn mek buaina hi Kohhran (Church) in a tihtur a tih loh avanga chhe mek a ni. Keimahni zawk hian kan ram kan tibuai a ni".

* "Tun dinhmuna kan tih theih thil pawimawh ber chu, tawngtaina hi a ni, tiin January 5 a America ram pumpui chanchin tha hril tura kal chhuak Graham chuan a ti. "Pathian chuan a mite tawngtaina auaw a hria, chuvangin America ram hmun hrang hranga awm ringtute chuan America ram leh hruaitute tan thinlung taka kan tawngtai a hun tawh a ni," tiin fuihna thu a sawi.

* "Kohhranin an thiltih sual an sim a, mimal tinten kan sual kan inchhiara kan sim chuan, Pathian in min hmang thei ang tihhi ka ring tlat a ni", a ti.

* "Secularism in kan ram sorkar leh mipui nun a han luhchilh tak tak atangin kan America nunphung a lo danglam zo ta a ni". a ti.

* "Secularism leh Communism hian danglamna vak an nei lo. Pathian awm pawh ring lo ve ve mi inkaihhruai dan (inawp dan) a ni. Pathian nihna dodaltu ber zawk an ni, tiin Graham-a chuan a sawi.

* "Chhungkuaah Baible thu anga nun hman, khawtlang nunah Pathian duhdan ang a nun leh thian kawm, Pathian thu leh a duhdan anga sorkar hna leh ram kaihhruai hna kan thawh a ngai".

* "Pathian in a hmangaih che.... I sual avangin Mohammad i tan a thi lo, Buddha pawh i tan a thi bawk hek lo. Khawvel histories-ah i sual avanga sual lak a tan chhandamtu pakhat chauh a awm. Chu chu Pathian nung fapa Isua Krista a ni. Nangmah avanga nun hlantu chuan, 'Kei hi, kawng leh thutak leh nunna chu ka ni' a ti," tiin Graham chuan a sawi.