NITIN LALPA NEN
January 3, 2016 

                                                                                A THATNA ZOZAI HI.......
Chhiar tur        :- Sam 103
Chang vawn    :- “Aw ka thlarau, Lalpa chu fak rawh, A thatna zozai hi theihnghilh suh ang che” (Chang 2)
Kum khat tan    :- Gen. 7-9; Matt. 3

Kan nitin nuna harsatna chi hrang hrang kan tawhte hian kan ngaihtuahna a tibuai thin a, chuchuan keimani a awm thiltihthihna leh thil hlu tak awm tlat chu a hliahkhuh fo \hin a ni. Sam 103 chuan chutiang hringnun atanga zalenna nei turin min lo zirtir reng niin. “Aw ka thlarau, Lalpa chu fak rawh, A \hatna zozai hi theihnghilh suh ang che” (:2)  Kan Pathian chu kan sualte ngaidamtu, min tidamtu, min tlanchhuaktu, kan mamawh tinreng min petu, a fate tana ui nei ngai lo, nun thar min neih tirtu a ni. Engvanga Pathian hmangaihna leh khawngaihna theihnghilh fo thin nge kan nih le!. Kan nitin mamawh avanga kan lungngaihna, kan hlawhchhamna, kan beidawnnate hian kan ngaihtuahna zawng zawng chu a luahkhatin, Pathian hmangaihna leh khawngaihna pawh a hliahkhuh vek thin a ni.

Hetianga kan hringnun harsatna chi hrang hrang hria in Sam ziaktu chuan “Lalpa chu mi lainat \hîn, khawngaih thei tak a ni, Thinnel, ngilneihna ngah a ni..... Kan sual angin kan chungah a ti lo va, Kan bawhchhiatna angin min thungrûl duh hek lo. Lei aiin vân a sâng ang hian, Amah ?ihtute chungah chuan a ngilneihna a sâng a ni.” (:8,10,11)

DAVID MCCASLAND


Kan pa, vana mi, Nangmah atanga ka dawn malsawmna tinreng hian i hmel eng min hliah fo thin a, ka nei rosum leh malsawmna tin reng hi nangmah atanga lo kal a ni, tih fiah takin min hmuh nawn tir fo la, Nintina ka dawn i khawngaihna hi a mal a mala chhiar dan min zirtir la, Nangmah nena nun hmang dun turin min zirtir ang che.