NITIN LALPA NEN
January 2, 2016 

LALPA’N A CHHANG ANG CHE

Chhair tur:- Sam 91

Kum khata tana Bible chhiar:- Gen. 4-6; Matt. 2


"Min au vang a, ka lo chhâng ang, A mangan leh ka awmpui ang a, Ka chhan chhuak ang a, ka chawimawi ang." (Chang 15)

Korea film changtu nu, pakhat duh em em ka nei a, a Internet Twitter page ka en a ka insum zo lo chuan amah ka duh a ka ngainat zia te, tawngkam mawi taka ka ziah hnuin lehkha ka thawn nghal a. Lehkha chu thawn teh reng mah i la, a ni anga milar leh hmingthang chuan tuna ka lehkha thawn ang chu, nitin chhiar sen loh an dawng dawn tih chu ka hria a, a chhanletna pawh ka beisei ngam bawk hek lo. Ka beisei ngam lo, chu ti mah i la, ka thinlung ruakte chuan a lo beisei tho mai.

Pathian in ka nitin mamawh tan chhanna min pe fo tih ka hriatin a khawngaihna ah ka lawm hle a ni. Pathian chu “Chungnung bera Pathian”, “Engkimtithei Pathian” (Sam 91:1). Kan Pathian chu chawimawi tlak Pathian, khawvela fing ber, thiltithei ber leh hausa ber a ni. Chutiang mi ni mahse, mi zawng zawng nena inzawmna nei turin a inpeih reng a ni. “Min au vang a, ka lo chhang ang” (Ch. 15) tiin min sawm zawk a ni.

Mi hausa pakhat hian Puan thuina dawr a hawng a, hlawhfa tamtak a chhawr a ni. A hlawhfate hnenah chuan Puan thui tur desingne chi hrang hrang a pe a.  “An hna chungchang mai ni lo an nitin nuna harsatna an neih chuan englai pawh a a hnena tanpui an dil theih thu a sawi bawk” A hlawhfa tam takin an puan thui chu designe thar a nih avangin harsatna an tawka, an buai thei em em a ni. Mahse, tlangval pakhat erawh englai pawhin hlim leh lawm takin han a thawk reng a. Chu tlangval awm dan chu a thiante’n an hmuh in “Engvanga hlim thei bik em em nge i nih a? i hnaah harsatna te i tawk ve na nge? Chhungkaw thilah leh i nitin nunah harsatna te i tawk ve thin na nge?” tiin an zawt a. A ni chuan, “Kan pu thu sawi kha in hre na nge? ‘harsatna in neih chuan ka hnenah lo kal rawh u,’ a tih kha. Kan pu henah ni khatah vawi engemaw zat ka kal thin kha in hmu lo em ni? Kan pu hi hna tam deuh a thawh avangin a buai hle a. Mahse, min tanpui turin a inpeih reng a a ni. Ka thiam lohna ka zawh thin avangin thil pawh ka tisual ngai lo” tiin a chhang.

Chutiang bawkin kan Pathian hian a mite min tanpui a, nitin min zirtir turin a inpeih reng a ni. A hnenah kan lawmna, manganna leh kan zirlaite i thlen thin ang u. POH FANG CHIA