NITIN LALPA NEN
January 2, 2016 

LALPA’N A CHHANG ANG CHE

Chhair tur:- Sam 91

Kum khata tana Bible chhiar:- Gen. 4-6; Matt. 2


"Min au vang a, ka lo chhâng ang, A mangan leh ka awmpui ang a, Ka chhan chhuak ang a, ka chawimawi ang." (Chang 15)

Korea film changtu nu, pakhat duh em em ka nei a, a Internet Twitter page ka en a ka insum zo lo chuan amah ka duh a ka ngainat zia te, tawngkam mawi taka ka ziah hnuin lehkha ka thawn nghal a. Lehkha chu thawn teh reng mah i la, a ni anga milar leh hmingthang chuan tuna ka lehkha thawn ang chu, nitin chhiar sen loh an dawng dawn tih chu ka hria a, a chhanletna pawh ka beisei ngam bawk hek lo. Ka beisei ngam lo, chu ti mah i la, ka thinlung ruakte chuan a lo beisei tho mai.

NITIN LALPA NEN
January 3, 2016 

                                                                                A THATNA ZOZAI HI.......
Chhiar tur        :- Sam 103
Chang vawn    :- “Aw ka thlarau, Lalpa chu fak rawh, A thatna zozai hi theihnghilh suh ang che” (Chang 2)
Kum khat tan    :- Gen. 7-9; Matt. 3

Kan nitin nuna harsatna chi hrang hrang kan tawhte hian kan ngaihtuahna a tibuai thin a, chuchuan keimani a awm thiltihthihna leh thil hlu tak awm tlat chu a hliahkhuh fo \hin a ni. Sam 103 chuan chutiang hringnun atanga zalenna nei turin min lo zirtir reng niin. “Aw ka thlarau, Lalpa chu fak rawh, A \hatna zozai hi theihnghilh suh ang che” (:2)  Kan Pathian chu kan sualte ngaidamtu, min tidamtu, min tlanchhuaktu, kan mamawh tinreng min petu, a fate tana ui nei ngai lo, nun thar min neih tirtu a ni. Engvanga Pathian hmangaihna leh khawngaihna theihnghilh fo thin nge kan nih le!. Kan nitin mamawh avanga kan lungngaihna, kan hlawhchhamna, kan beidawnnate hian kan ngaihtuahna zawng zawng chu a luahkhatin, Pathian hmangaihna leh khawngaihna pawh a hliahkhuh vek thin a ni.

NITIN LALPA NEN
January 4, 2016 

Pathian hian a lo ngaithla meuh em!!!

     Chhiar tur    :- Matt 26:39-42; 27:45-46
     Chang vawn    :- ‘Ka Pathian, ka Pathian, engah nge mi kalsan?”(27:46)
     Kum khat tan    :- Gen. 10-12; Matt. 4

“A chang chuan Pathian hian ka tawngtaina hi a lo ngaithla lo niin ka hria”, tiin hmeichhe pakhat a pasal zu ngawlvei avanga lungngai leh mangang chuan a sawi chhuak ta hlul mai. A pasal sual bawi atanga a lo chhuah theih nan, kohhran tawngtaina ah pawh vawi duai lo a thlen tawh. Mahse, Pathian thu nena chhungkaw hlim tak din a, a pasal Pathian lama lo hawi tura a beiseina chu a tan chuan duhthusam sungtuahna khawvel lek a lo ni ta. Pathian hnenah a duhthu thlen thin mahse, a duh anga chhanna erawh a la hmu lo.