Beijing Secondary School naupangte zirli bu ah Bible chungchang teltir a ni. Heihian mi tamtak sawiselna pawh a tawk mek a ni.

Beijing Academy of Education Science (BAES) a thawk mek mi pakhat chuan “He zirlai bu chhungah hian Bible a Genesis chhung atanga lak chhawn thawnthu thenkhat tel tir a ni a, heihi zirlaite tan a hraitzauna leh Western ram leh Kristiante rinna a hriat theihna a tana tel tir a ni” tiin a sawi.

BAES textbook centre director Wang Kai chuan, “He zirlai bu hi Beijing khawpui secondary school 40% te’n a zirlai bu a an hman mek a ni” tiin a sawi bawk.

Online atang pawh in he China rama zirlaite zirlai bu a tana Bible thawnthu a tel ta mai hian sawiselna a tawk nasa hle a ni. 

Source:-  Christian Examiner, Global Times