Kan hnung Zirtawp (November 13, 2015) zana Paris khawpuia bomb puakah khan Antoine Leiris, France Bleu journalist nupui chu vanduai zingah tel ve in a boral a, a pasal, Leiris chuan amah leh an fa (nausen) te chuan engtikahmah heng firfiak ho an hlauh phah ve ngai dawn chuang lo a ni a ti.

Paris khawpuia hmun hmingthang, Place de la Republique-ah chuan Paris khawpui beihna a nunna chante sunna hun an hmang a a reh ruih mai!

He thlai hian nupa la valai tak mai, kha firfiakte beihna rapthlak tak avanga a nupui duh tak chan chuan a nupui thattute hnenah lehkhathawn lungchhiatthla tak a ziak a.

A lehkhathawn ziak thupuiah chuan: 'You will not have my hatred' tiin heti hian a ziak a-

"Zirtawp tlaiah khan mi pakhat, duhawm tak mai (exceptional per-son) nunna chu in laksaka, amah kha ka nunna zawng zawnga ka hmangaih, ka fapa nu a ni a sin, mahse hei hi ka hrilh ag che u, “Keimahah hian huatna chi in tuh ngai lovang” "Tu te nge in nih ka hre hauh lo, hriat che u pawh ka duh hek lo, thlarau rethei tak in ni. Rawng taka pawisawilote in thah chhan hi ama hlimthla ang a min dintu Pathian hi anih ngai chuan ka nupui taksa a silaimu tin te khan a thinlung an hliam dawn tihna a ni.

"Ni lul love, in duhthusam tihlawhtling tura nangmahni huatna min neihtir in tum hi engtikahmah ka pe ngailo ang che u. In duh ber a ni a, thinrimna leh huatna nena chhanletna hian nangmahni ang lekah min siam dawn a ni.

"Hlaua \ih tur che u in min duh a, ka khua leh tui pui te hi rinhlelhna mit a en turin min duh a, ka zalenna hi inralring reng renga awma hlan turin min duh maw, in hlawhchham chiang khawp mai. The same player still plays.”

"Nileng zankhua a ka nghah hnu in a tawp a tawpah tukin khan (a nupui ruang) ka hmu ta a. Zirtawp tlaia a chhuak tur ang reng khan ala duhawm a, kum 12 liamta-a kan intawntirha ka hmangaihna ka hlan hmasakber lai ang thokhan ala duhawm a ni.

"Ni e, a ni a lawm, lusunin ka kehchhia a lawm, helaiah hian chhete chuan hnehna chu in chang ve e, mahse a rei hauh lovang.

"Nitin kan bulah a (anupui) awm reng dawn a, thlarau zalen takin vanramah kan la inzawng chhuak leh ngeidawn a ni tih ka hrechiang a, chu chu in nei ve ngai dawn lo a ni.

"Keini pahnih, kei leh ka fapa hi khawvela sipai chakber ai pawha chak zawk kan ni zel ang. Ka fapa tui taka a mu lai bula ka awm a ngai, nangni ve mai mai lakah hian ka hun hlu tak khawhral mai mai thei ka nilo.

"Tunah hian thla 17 chauha upa ala ni a, nidang ang bawkin a chaw (snack) a ei ang a, nitina kan tihdan pangngai te in kan pafa in infiam turin kan kal leh ang a, he mipa naupangte hian a nun pumpui hlim taka hmangin nangni hi a damchhungin hrehawm takin ala siam dawn che u a ni.

"A chhan chu amahah huatna chi in tuh theih dawn miau loh avangin."

Thulakna:- Emmanuel For World