USA sorkar chuan Chin Refugee 7,000 vel chu kum lo kal tur "Fiscal Year" (October 1, 2015 an September 30, 2016) chhungin USA ah hruailuh (Resettle) a tum a ni. Hemi 7,000 zingah hian Malysia a awm mek Chin refugee te an tel tam ber ang.

USA "Presidential Determination" kan en chuan USA a lo lut "quota" ah "East Asia" mi lo lut tur zat USA sorkar ruahman dan chu:

Fiscal Year 2014: 14,500

Fiscal Year 2015: 13,000

Fiscal Year 2016" 13,000 a ni ang.

Kumin July thla khan Washington D.C a meeting pawimawh tak (Kum tin a an neih) U.S State Department leh PRM (Bureau of Population, Refugees, and Migration) meeting ah BACI (Burmese American Community Institute) a kan Executive Director Salai Elaisa Vahnie a tel ve a, hemi meeting ah an sawi leh rorel a ni. (BACI ah Chirman of Board of Directors ka ni mek).

Malaysia ah Chin Refugees 40,000 vel an awm mek niin kan hria a, India ah tam tak an awm mek bawk. Burma ram sorkar dinhmun BACI lamin sawifiahna leh hrilhfiahna kan nei a, Chin mite hian USA ah "Resettlement" kan mamawh zia kan sawi a, dilna kan thehlut a ni. USA thuneitute min chhanna chu " Burma ram refugee USA a hruailuh chungchang ah USA policy kan thleng danglam lovang" an ti a, kan lawm hle a ni. An thusawi chu USA lo lut tur an ruahman "East Asia quota" khian a 'confirm' niin kan ngai.

Amaherawhchu, Chin refugees USA lo lut zat kan en chuan 2014 ah 7,317 an ni a, 2015 ah chuan 3,500 vel chauh an ni. Hetia an tlem/kiam chhan hi USA Policy avang ni lovin, UNHCR office leh refugees te awmna ram policy avang zawk a nih kan ring.

Washington D.C ah USA sorkar hnenah chauh dil a sawi lovin, Geneva (UNHCR HQs), Kuala Lumpur, New Delhi lamah sawipui a thawhpui (Advocacy) zel a ngai niin kan hmu.

Ram 2-na (Malaysia, India etc.) a kan unau te ram 3-na an thlen theih nan BACI hian hma a la ve zel a, tawngtai zel ang u.