September 4, Zirtawpni zan atanga September 6, Pathianni zan thleng khan, USA-a Zofate chen tamna ber Indiana-ah North America Mizo Christian Fellowship (NAMCF) Inkhawmpui Vawi Hnihna hman a ni a, inkhawmpui chhimtute an hlimin an lawm hle.

 

He Inkhawmpui chhim hian State 9 atangin palai 400 velin Indiana an pan khawm a ni. NAMCF Inkhawmpui hi Greenwood United Methodist Church-ah neih niin inkhawm vawi 5 a awm a, chawlhrualin mi 750 vel an inkhawm thin.

Inkhawmpui thupui hi Genesis 12:2 - ‘Nang Malsawmna Ni Ang Che’ a ni a, thupui hi chi ngain then a ni a, kal khawmte Hetiangin: 
1. Malsawmna Awmzia
- Rev. Lalthuamluaia Ralte
2. Mimal leh Chhungkuaah
- Rev.B. Thangzauva
3. Kohhran leh Khawtlangah
- Dr. Lalmuansanga Chawngthu
4. Ram leh Hnamah
- Rev. Vanlalringa
5. Malsawmna Famkin
- Rev. Van Lal Dinga

Inkhawmpuiah hian tunlaia Mizote mamawh thupui tha 4 hmangin Seminar neih a ni bawk. Hetiangin:
1. Zirna leh Hna
- Dr. Ro Dinga
2. Mizo Tawng Humhalh
- Lalchhanhima
3. Kristian Nun Dan Tha
- Rev. Rohmingthanga
4. Tunlai Khawvel Ngaih Dan Hrang Hrang leh Kristiante Rinna
- Rev. Emmanuel Lalfelkima te thlan anni.

NAMCF chuan Myanmar Zofa tui lian tuarte tanpuina bawm a hun ah $3000 hmuh ani bawk.

May 6, 2015, Pathianni tuk khan State 7 atanga rorel palai kal khawmte leh NAMCF Office bearer-te chuan NAMCF kal zel dan tur leh thu pawimawh hrang hrang an ngaihtuah a. Chuta an thu tihtluk zinga larsang zual deuhte chu –

‘NAMCF member boral an awmin $7000-a ral tur’ tih te, ‘

Nakum (2016) May thla Memorial kar tawpah Iowa-ah NAMCF Inkhawmpui neih leh tur’ tih te leh,

Kum 2016 Inkhawmpui zawh atang chuan kum kar thlakin Inkhawmpui hi neih tawh tur’ tihte an ni.

Rorelnaah hian kum September 2015 – May 2016 chhung NAMCF Office Bearer turte thlan nghal a ni a, hruaitu atan heng mite thlan an ni:
1. Chairman – Rev. Rohmingthanga, Indiana
2. Vice Chairman – Rev. Lalthuamluaia Ralte, Indiana
3. Secretary – Rev. Vanlalringa, Iowa
4. Asst. Secretary – Elder Vanlalthlahlova, Indiana
5. Treasurer – Rev. Emmanule Lalfelkima, Texas

Central Mizo Society of America chuan kumin May thla khan kum kar thlaka Chapchar Kut buatsaih tawh turin a lo rel angin NAMCF buatsaih ‘Inkhawmpui’ pawh, MSA buatsaih ‘Chapchar Kut’ nen a inkarthelh a hman ani tawh ang.

North America Mizo Christian Fellowship (NAMCF) hi kum 2013 khan din a ni a, kum 2014 khan Iowa-ah Inkhawmpui Vawi Khatna neih a lo ni tawh a, NAMCF hi USA State hrang hrang a Mizo Kohhran leh Fellowship hrang hrangte rawngbawl hona, intihchak tawnna, chhiatni-a inpuihbawm tawnna leh Mizo Kristianna humhalhna atana din a ni.

by SPa Jongte